Pantun Minang Part 2

Pantun Minang Part 2

Apo la guno mato
Mato caliak mancaliak
Dapek ba bini boco
Nyo racak ka jawi dalam biliak

Duo kali karajo mato
Mato caliak mancaliak
Bedo pulo baranak caco
Abih samba dalam biliak

Apo la guno talingo
Talingo rajo di lereang
Dapek mintuo boco
Tangah malam nyo main kalereang

Apo la guno daguak
Daguak di bawah muncuang
Yo bedo ba bini gapuak
Abih nasi salapan cambuang

Duo kali karajo daguak
Daguak di bawah muncuang
Bedo pulo balaki gapuak
Abih bareh sapuluah karuang

Apo la guno pinggang
Pinggang kadiak mangadiak
Yo bedo ba bini cintang
Di caliak ayam nyo nampak itiak

Apo la guno jari
Jari buku mambuku
Yo la bedo ndak balaki
Cando ladiang ndak ba ulu

Apo la guno paruik
Paruik katu mangatu
La mati kuciang dek takuik
Mancaliak mancik ba sunaik rasu

Duo kali karajo paruik
Paruik untuak ka makan
La mati kuciang dek takuik
Mancaliak mancik baok sanapan

Apo la guno lutuik
Lutuik kunci mangunci
Dapek minantu pangantuik
Lah jale mintuo banci


Terimakasih telah berkunjung. . .
Lihat info lainnya hanya di Semua Tentang Sumatera Barat
Jangan lupa komennya ya,... :D