Pantun Minang Part 3

Pantun Minang Part 3

Apo la guno bati
Bati rajo balakang
Yo bedo dak ba piti
Di caliak godok la gadang - gadang

Apo la guno tapak
Tapak dabiak mandabiak
Ba bauah pakak jo engak
Ganti ariak la ma ariak

Duo kali guno tapak
Tapak rajo di bawah
Yo bedo ba bini pakak
Suruah ka ladang nyo ka sawah

Daun sicerek denai gadangkan
Alah gadang di cabuik urang
Sajak ketek anak di gadangkan
Alah gadang di ambiak urang

Si cerek di tapi banda
Kok rabah tolong tagakkan
Awak ketek baru baraja
Kok salah tolong tunjukkan

Putuih cinto badan marano
Putuih rokok paniang kapalo
Putuih sikolah awak bodoh
Putuih rem balantak oto
Putuih kabek pinggang sarawa maloroh

Ombak mamacah mahampe karang

Buiah di lauik nan hanyuik ka tapian

Sadang di bawah kamalah badan ka ba tenggang

Tangan nan sayuik manjangkau angan

Tarantang tali di tangah sawah

Tali ba pilin panggaro padi

Cando marpati sayok lah patah

Indak mungkin ka tabang tinggi

Bararak awan di kaki langik

Di rambang patang manjalang sanjo

Taramuak badan bukan dek panyakik

Dek kasiah sayang mambao seso

Terimakasih telah berkunjung. . .
Lihat info lainnya hanya di Semua Tentang Sumatera Barat
Jangan lupa komennya ya,... :D